توفير الوقت في رمضان

توفير الوقت في رمضان

أغلى ما في رمضان هو الوقت... علشان كدة عايزين نقول شوية أفكار هتساعدنا نوفر وقت قدر الإمكان في رمضان... يمكن بعضكم يعرفها بس خلينا نفتكرها و مش بس كدة كمان ننفذها :)


أولا البيت بشكل عام:

تنظيف البيت بشكل عميق و جيد بيساعدك تحافظي على الشقة نظيفة و مرتبة لمدة طويلة مع الحاجة لقليل من التنظيم و العناية... و كمان علشان منضيعش وقت ترتيب و تنظيف في رمضان أو قبل العيد... رمضان للعبادة... و العيد للفرحة و السعادة... مش للتنظيف... علشان كدة نصيحتي الأولى إنك قبل دخول رمضان ترتبي البيت و تنظفيه بشكل جيد جدا قدر الإمكان علشان توفري وقتك و جهدك في رمضان... من غير ما تنسي تستعدي للعبادة في شعبان برضه طبعا :) 


ثانيا الطعام:

طبعا الموضوعات اللي بتتكلم عن طريقة إعداد الطعام بشكل مسبق و تفريزه و تجهيزه على السوا أو غيرها من الأفكار للعصائر و السحور كثيرة و منتشرة على الكثير من المواقع و مفيدة فعلا.
و لكن الخطوة الأهم من ذلك هي تحديد خطة الوجبات لهذا الشهر الكريم:

1- حددي كام يوم هنجهزي فيهم أكل لأن ممكن يكون في أيام ثابتة او عزومات معتادة مش هتحتاجي تجهزي لها أكل.

2- حددي الأصناف اللي ناوية تطبخيها إن شاء الله حتى لو مش هتقدري تشتري كل مكونتها أو تجهزيها كلها بشكل مسبق.

3- و نفذي طبعا مفس القائمة للسحور لو انتم من النوع اللي بيحب ينوع... لو سحوركم ثابت حددي الاصناف و كمان كمية كل صنف بحيث تقضيكي خلال شهر رمضان.

4- متنسيش تحددي كمان العصائر و السناكس خصوصا للاطفال و ليكي لو هتاخدوهم معاكم للصلاة او تكون كوجبات خفيفة بين الإفطار و السحور.

5- حاولي تجهزي كل حاجة ممكن تتخزن و تتفرز و تكون جاهزة على التسوية لأن دا هيوفر لك وقت كبير جدا في رمضان.

و اهم حاجة إنك حددتي خطتك فأصبح المكونات و الاحتياجات واضحة أمامك إن شاء الله.

و دي صور لبعض الأفكار من صفحة دكتورة حنان عمران جزاها الله عنا خيرا 

ثالثا الأطفال:

أفضل حاجة تخليكي تستفيدي بوقتك مع الأولاد في رمضان و تستثمريه و كمان تقدري توفري وقت و مجهود التحضيرات... إنك تحطي خطةو تصور لأنشطة مسلية و جميلة ممكن تشتغلوها في وقت محدد يوميا في رمضان... و يا سلام لو ارتبطت بالتربية الإيمانية للأطفال خلال شهر رمضان... طبعا طباعة الأنشطة و تجهيزها هيوفر لك وقت كبير في التحضير و الطباعة و التجهيز و غيره... و لكن دا مش معناه تملي كل وقتهم بالأنشطة دي... اللعب الحر مهم و مطلوب حتى في رمضان :)

و أوعي يفوتك مقال التربية الإيمانية لأطفالنا في رمضان لأستاذتنا مروة الحبشي:

http://israazain.blogspot.com.eg/2018/04/blog-post_21.html


رابعا العبادات:

العبادات كمان محتاجة خطة... انتي لو رايحة خروجة بتخططي لها... ما بالك برمضان و خير رمضان... حطي لنفسك روتين و اوراد ثابتة... استغلي وقت المواصلات أو السواقة او المطبخ أو التنظيف في عبادة و زي الأذكار أو سماع القرآن... و متنسيش تشوفي جدول العبادات اللي اقترحناه علشان نسهل عليكي متابعة العبادات في الموضوع هنا:

نسخة pdf لجودة الطباعة:

https://drive.google.com/file/d/1Xs6PxLUKPktOQQyxMt5Qd9TKsgqgNn3d/view

أو الصور هتلاقيها على صفحتنا هنا:

https://www.facebook.com/israa.zain.owmm/photos/a.525762160923869.1073741828.498073473692738/948645935302154/?type=3


خامسا صحتك:

من اكتر الحاجات اللي بتهدر الوقت هو إنك تكوني بتأدي مهامك بخمول و تعب... لأنك بتاخدي وقت أطول في المهام و دا بيتعبك اكتر و هكذا... فالاهتمام بصحتك هيخليكي أكيد كلك نشاط و حيوية و هتنجزي بشكل أسرع و بكفاءة اعلى.

و اكيد مقالات الأسبوع الصحي هتفيدك و انتظري المزيد في مقالات هذا الأسبوع من ملفنا الرمضاني.

صحة أسرتك في رمضان- الجزء الأول

http://israazain.blogspot.com.eg/2018/04/blog-post.html

صحة أسرتك في رمضان- الجزء الثاني

http://israazain.blogspot.com.eg/2018/04/blog-post_17.html


و دمتم بخير
إسراء زين 

رمضان بالألوان- الجزء الأول

رمضان بالألوان- الجزء الأول 

رمضان موسم للطاعة والبهجة والروحانيات وعلو الهمة في الواقع مهما عددت لن أجمع ما في هذا الشهر من

 خير سأسطر معكم بعض الأنشطة التي قد تضفى بهجة علينا في هذا الشهر المبارك.

بداية حين قررت الكتابة أعددت في رأسى مقدمة عن الاحتفال في فلسفة والدروف - وهى الفلسفة الى تهتم كثيراً بالاحتفالات والاحداث التي لها إيقاع متكرر بشكل سنوي كتغير الفصول وتخصص لكل فصل احتفال كبير تعد له الاسرة مسبقاً وحين نأتى لعقيدتنا نجد أن شهر رمضان من أكثر الاحتفالات تميزاً فلا نجد أسرة لا تحتفل بقدوم هذا الشهر الكريم مهما اختلفت طرق الاحتفال ولكن كلنا نحتفل لذا يجب علينا الاهتمام والاعداد للاحتفال بهذا الشهر جيداً.

 حين بدأت أضع أفكارى على الورق واجمع الكلمات للكتابة عن أهمية الاحتفال في فلسفة والدروف أنار أمام عينى قول الله عز وجل

" ذلك ومن يعظم شعائر الله فإنها من تقوى القلوب"

فوجدت أنه من غير المعقول الاستعانة بكلام مخلوق للتدليل على أهمية الاحتفال ولدينا أمر الخالق عز وجل لذا سأدخل مباشرة إلى الأنشطة من أمر الله عز وجل لنا بتعظيم شعائره وإظهار الفرحة بها فهيا بنا نستعرض سوياً بعض الأنشطة التي سننفذها بنوايا متعددة منها تعظيم شعائر الله – في انتظار مشاركتكم لنا بنواياكم ليعم الاجر.

     عمل زينة ورقية  من ورق سبق الرسم عليه بطريقة wet on wet

وهو تكنيك للرسم مستخدم في مدارس والدروف في هذه الرابط توضيح لطريقة الرسم

https://youtu.be/23jVRUSlz7o

وهنا رابط أخر https://youtu.be/fTmvwWFHPYM

ويمكنكم البحث عن التقنية من خلال الكلمات المفتاحية waldrof wet on wet painting

1- مثلثات الزينة:

بمنتهى البساطة سنرسم مثلثات على الورقة ونترك للطفل الفرصة لقصها وبعد الانتهاء منها سنقوم بلصقها على خيط ونعلقها كما بالصورة.

2- سلاسل الورق

ممكن أيضا استخدام هذا الورق في عمل سلاسل من الورق

3-  فوانيس من الورق

       عمل فوانيس lantern

1

     1- باستخدام ورق سبق تلوينة أيضا كالتالى:-

 بعد جفاف التلوين سنقوم بدهن الورق بزيت طعام ونترك الورق حتى يمتص الزيت تماما ثم  نقوم بتفريغ أشكال مثل نجمة وهلال على الورق باستخدام cutter ثم نقوم بثنيها كما هو موضح بالشكل 

و هنا فيديو لتوضيح عمليى الطي

22-   باستخدام علبة معدنية

سنستخدم أي علبة صفيح متاحة لدينا سنزيل من عليها أي ورق أو طباعة وننظفها ثم نملأها بالماء ونضعها في الفريزر حتى يتجمد الماء ( ممكن استبدال هذه الخطوة باستخدام رمل مبلل مكان الثلج)

بعد التجمد سنرسم عليها بقلم ألوان الشكل المراد ممكن حروف أسماء أولادنا حسب الرغبة

ثم باستخدام مسمار وشاكوش سنقوم بالدق فوق الشكل المرسوم لعمل ثقوب ( في حالة مساعدة أبناءنا في هذا النشاط من الأفضل مسك المسمار بمشبك غسيل حتى نتجنب الدق على الأصابع)

بعد الانتهاء من ثقب الشكل الذى سبق رسمه سنترك الثلج ينصهر وبهذا أصبح لدينا فانوس معدنى نشعل شمعة ونضعها بداخله.

1-    باستخدام برطمان زجاجى

هنا الأفكار كثيرة جدا منها الرسم على البرطمان من الخارج ومنها لصق ورق ملون ولكنى اخترت هذه الفكرة لانها مختلفة عما قمنا به ف السابق

نملأ ثلاثة أرباع البرطمان بالماء والربع المتبقى بزيت طعام ( استخدمت زيت سبق استخدامه بعد تصفيته) ونضع في البرطمان زهور من تمشيات الطبيعة فروع شجر أعواد قرفة قشر برتقال يمكنكم استخدام المتاح لتجميل شكل البرطمان الخاص بكم ثم نأخذ شمعة ( من التي تستخدم في الفواحات ) ونضعها على سطح الزيت برفق ونشعلها لنحصل على هذا الشكل الرائع.

 و إلى هنا ينتهي الجزء الأول من مقالنا 

في انتظار تطبيقاتكم 

و قبلها نواياكم 

أشجان فؤاد